الثلاثاء، 28 مارس 2017

مشروع زراعه نبات الأزولاوكافة التفاصيل عنه والربح من خلاله

بسم الله الرحمن الرحيم 


الموضوع ده فيه اكبر قدر ممكن من المعلومات حول نبات الازولا وكيفية زراعة النبات واستخداماته ودراسة جدوى لمساحة واحد فدان.
تعالو نعرف ايه هي الازولا الأول
الازولا نبات سرخسي يعيش طافيا على سطح الماء ولا يكون بمفرده حيث يرتبط بنوع من الطحالب ويقوم بمعيشة تكافلية
ويحتوي علي نسبة عالية جدا من البروتين تصل من 30 إلى42% من وزنها الجاف

ويستخدم علف للدجاج البياض ، والتسمين ، والأرانب
، والاسماك ، والاغنام ، وخاصة البط حيث يوفر في بعض الأحيان 50% من العلف المركز

ينتج الفدان من طن إلى طن وربع يوميا
الأزولا تحتوي على 94% مياة و6% مواد صلبة

الازولا تزرع مرة واحدة بالعمر وتعطي انتاج مدي الحياة إن شاء الله ولا تحتاج اي تكاليف سوي انشاء المزرعة فقط
وتعتبر علف مجاني
ينتج الفدان الواحد 30 طن شهريا

طيب نشوف القيمة الغذائية ومحتوى نبات الأزولا
رماد : 10.5٪
الدهن الخام : 3.3٪
البروتين الخام 30-42٪
نتروجين : 4.5٪
الفوسفور : 0،5-0،9٪
بوتاسيوم : 2.0 _ 4.5٪
نشاء : 6.54٪
المغنيسيوم : 0.5 إلى 0.6٪
مانجان : 0،11-0،16٪
الحديد : 0،06-0،26٪
السكر المذاب : 3.5٪
الكلسيوم : 0،4-1،0٪
الألياف الخام : 9.1٪
الكلوروفيل : 0،34-0٬550٪

كدا عرفنا نبات الأزولا ، واستخداماته ومحتواه...

كدا لسه دراسة الجدوى عشان نكون لمينا اكبر قدر ممكن حول هذا المشروع
تعالو نعرف الأول هنحتاج ايه لزراعة 1 فدان

ركز معايا بدون اي مميزات لإننا مش هنحتاج التربة
سعر إيجار الفدان في السنة 3500 تقريبا

=هنحتاج 4200 متر مشمع عازل للمياة سعر المتر 5جنيه تقريبا
نضرب 5x4200=21000

=هنحتاج سور من جريد النخل او البوص لمنع الكلاب من دخول المكان هيكلف 4000
=هنحتاج عماله لتجهيز الأرض ب3000
= هنحتاج سماد 1000 للسنة كلها إن شاء الله
=كهرباء او بنزين لتشغيل ماكينة المياة ، ومياة 3000
= ماكينة مياة صغيرة او موتور 3000 تقريبا
=هتحتاج مكبس علف في حالة لو حبيت تخزن في شكاير او تبيع سعر المكبس الصغير حوالي7000
= سعر بدايات الأزولا 5000 للفدان
= مصروفات نثرية 1000

كدا احنا عرفنا التكاليف إن شاء الله احسبها بئا واكتب في ورقة عشان ندخل على الإنتاج .
إجمالي التكاليف = 51500

-الإنتاج
احنا ذكرنا فوق إن الأزولا تحتوي على 6%مواد صلبة فقط
و94% مياة
معنى كدا إن 1000كيلو إنتاجك اليومي هيكون 60 كيلو ازولا جافة متوسط نسبة البروتين فيها 35%

طيب اضرب 60x30=1800 كيلو إنتاجك الشهري
سعر كيلو علف يحتوي على هذه القيمة الغذائية مش اقل من 7 جنيه

طيب احنا هنشتغل كام شهر في السنة ؟ ؟
المناخ المناسب للأزولا
درجة حرارة الجو من 20 إلي 38 درجة
مياة درجة الملوحة فيها لا تتعدى 120

معنى كدا إننا هنشتغل 8 شهور مستريحين في السنة
نضرب إنتاجنا الشهري في عدد الشهور ..... 1800x8=14400

نضرب إنتاج السنة من العلف في سعر الكيلو 7x14400=100800
كدا معانا خلال سنه 100800 نطرح منهم تكاليف إنشاء المشروع = 49100
كدا في اقل من سنه رجعنا رأس المال ومعانا مكسب 49 ألف جنيه تقريبا وبداية من السنة الثانية هيكون ضعف المكسب إن شاء الله

تخيل بئا لو المشروع دا اتنفذ في صحاري مصر الشاسعة وعلى نطاق واسع خاصتا إن مناخ بلدنا مناسب جدا لزراعة هذا النبات
متخيل تأثيره على اسعار السلع الغذائية واستيراد الأعلاف ؟؟

ملحوظة في حالة إن كان عندك مزرعة بط تسمين الأزولا تقدم للبط طازجة. او دبلانة وتعطي نتائج جيدة جدا لإن نسبة الدهون فيها قليلة .... يعني بتسمن البط لحم مش دهون 

هناك 12 تعليقًا:

  1. مقال رائع لكن ينقصه من اين نحصل علي التقاوي و كيفية زراعته

    ردحذف
  2. لوسمحت الطن كم يباع ؟؟

    ردحذف
  3. من اين احصل علي البادي او التقاوي وهي هتكون عبارة عن ايه

    ردحذف
  4. شكرا اخي انا من الجزائر ومشروع ناجح مئة مئة

    ردحذف
  5. انا عايز انفذ الفكرة بس عايز اعرف ازى ابيعها ولمين

    ردحذف
  6. حضرتك بتقول نسبة الملوحة لا تتعدى 120
    هل تقصد 120 جزء فى المليون
    ولو 120 جزء فى المليون يبقى مش هينفع تتزرع لا معظم ابار المياة لاتقل عن 700 جزء فى المليون
    اسف طبعا على الاطلا
    ولو ينفع نزرع على الابار فيها نسبة حديد علية

    ردحذف